انـ القلــب ليحــزن وانـ العــين لتدمـع على فراقـك يارمضــان ..

السلام عليكم ورحمة الله وبركــاته ..
(للعظه والعبره)
تقــبل الله طــاعتكم وصــيامكم وقيــامكم وعسى الله يعوده علينا باليمن
والبركــات ..
(شهر رمضان الذي انزل فيه القرآن هدى للناس وبينات من الهدى والفرقان)
والله يــانـاس ان هالشــهر ماشاء الله وتبارك وتعالى من افضل الشهور
فيه وجدت راحتي وصلاتي فيه لذه فكيف لنـا ان نودعه ؟
للامــانه اول مره احس انه رمضان غــير واذا بتسألون ليش
لاني تقربت من ربي شنو في شي احلى من الصيام
والدعاء جميل وانتي صايمه وشوفي شلون ربج يستجب دعائج
ربي موجود كل يوم معانا وبكل شهر لكن تبارك وتعالى
للناس اللي يحسبون رمضان شهر حاله حال اي شهر وفيه بس نصوم
ونشوف هالمسلسلات والله غلط ..
انا عن نفسي ولا عمري فكرت ابطل قرآن واختمه برمضان !
السنه اللي طافت ختمت القرآن لكن حبي ونفسي ماكان خالص لرب العالمين !
مع اني ختمت القرآن عبالي اكتفيت
قررت اتقرب من رب العالمين ! في وقت حسيت فيه بالشده
واني بحاجه اتقرب الى ربي على العلم اني قريبه من ربي لكن ماكان هالقد !
تقربت من ربي وكل يوم اشوف الحزن يكبر .. اخاف اقنط من رحمة ربي
واعيد عالدعاء واصلي ركعتين والوسواس شغال فيني
اعوذ بالله من تفكيري خلاني اقول دايما اتقرب وادعي ودعائي مايستجاب
كنت اتمنى هالشهر الفضيل يجي بسرعه وارتاح وبالفعل من اول يوم رمضان
حسيت براااحه اول مره احس صج ماكو وسواس !
فالحمدلله على كل حال تحققت اجمل الاماني لي
واستجاب ربي لافضل الادعيه اللي دعيتهم
والله غفور رحـيم شوفوا شلون ربي رحـيم !!
لكن وانا مرتاحه دعيت ربي يخلص رمضان ومايردلي الوسواس وانشالله
والله انه وحتى بتفكيري ربي غفرلي ورحمني
لانه وسواس ولله الحمد افتكيت منه
فـ لحد يقول ادعي ربي ومايستجيب
اللي يبي دعوه تستجاب له بالاول يفكر الدعوه معصيه؟
ام فعل خير ؟ لا تدعون لله في المعصيه
ادعوا الله في شي يستاهل صدقوني بسرعه
راح تشوفون دعائكم يستجاب
وقبل لا تدعون ذكروا اسماء الله الحسنى
وخلوا على لسانكم (يــــا رحــــيــــــم ..)
فــ ما اجمل من التقرب من رب العالمين ؟
ظني بالله حسن الظن وكوني على ثقه
ربج مايخسر تعبج ودعائج ..
يا نـاس اتقوا الله وتقربوا من ربكم والله ماكو شي احلى من الدعاء ..
نـاس لاهيه بأفضل المأكولات ونــاس تتابع المسلسلات مافادنا شي
محد يفيد غير صلاتج وصيامج وقيامج وختمج القرآن ..
سبحــان الله وبحمده عدد خلـقه وزنـة عرشــه ومداد كلماته ..
ولله الحمد وعيدكم مبــارك
اسأل الله العظيم ان يوفقكم وان يستجيب دعائكم ..
والله يعيد علينا وعليكم رمضان
وكل عــام وانتـم بخــير انـ القلــب ليحــزن وانـ العــين لتدمـع على فراقـك يارمضــان .. Eh_s%2817%29

انـ القلــب ليحــزن وانـ العــين لتدمـع على فراقـك يارمضــان .. Eh_s%2817%29

نبي كـل وحده تقولنا شنو احلى شي صارلها برمضان ..
وشنو تنصحين العضوات على غلطه سويتها ماتبين احد
يكررها ..
شاركوني الموضوع تحدثوا عن انفسكم انـ القلــب ليحــزن وانـ العــين لتدمـع على فراقـك يارمضــان .. Eh_s%2817%29

» وجــع القلــب
» سكين في صميم القلــب
» تنظيف الأنسان يحمي القلــب