حَـدِّ فــاهِـم أىِّ حاجَــــة ...؟!

حَـدِّ عارِف أىِّ حاجَـة ...؟!

حَـدِّ فاهِـم أىِّ شــــــئ ...؟!

خـَـلـُّوا بالكوا مِ الخـَواجَة ..

قـَبل مايضيع كـُلِّ شــئ ...!

حَـدِّ يـِفهـَم ، حَـدِّ يـِســـأل ،

أو يجـاوِب عَـن سـؤالى ..

إيه بـِيـِجـرَى فى البَـلـَدْ دِى ..؟

واللى أدَّى لاحـتِـلالى ..؛

بـِالهَـواجـِس والـنـَّواقِـص ،

والـزَّوايـِـد واخـتِـلالى ..!

يامُـنـَجـِّى مِ الـمَهـالـِك

نـَجـِّـنِى وارأ ُف بـِحالى ..!

*

مِـن زَمَن كان الـطـَّبـيعى ؛

شـَـرِّ يـِتـواجـِه بـِخـير ..

والـنـَّهاردَة الـشـَّر راكِـب

فوق شِـراع كـُل المَراكِـب ،

والـمَحافِـل والـمَواكِـب ؛

سايـرَة مِن غـير خـَطـِّ ســير ..!

تـورتـَة واحـدَة قــَسِّـموها ،

وبـجـِزَمكـُم فـَعـَّصـوها ،

والـبَـلـَد مَـلـعـون أبـوها

مِ الـصـُّغـَيَّـر والـكِـبـير ..!

هـِىَّ دِى كـُلِّ الحِكايَـة ..؟

واللا دِى هـِىَّ الـنـِّهايَـة ..؟

واللا دِى هـِىَّ الـبـِدايَـة ..؟؛

والأمَـل هُـوَّ الأســيـر ..؟!

*

طـَب ماتـيجـوا نقـول حِـكايَـة ..

جـِدِّى قالـهالى زَمـان :

عَـن جَـمَـل تايـِه فِ صَحْـرا

كان مَعـاه الـصَّـولـَجان ..؛

والـمَـلِـك راكِـب حُـصانـُه ،

بَـسِّ قـاسِـى عَ الـحُـصـان ..!

والـرَّعِـيَّـة بـِـيراعـولـُه ،

فـَتـَّحـوا كـُلِّ الـبـِيـبان ..؛

وانـتِـظار الـلـيل بـِطـولـُه ،

والـمَـطـَر بَـلِّ الـمَـكان ..؛

والـضـَّلام فارِد جـِناحُـه ،

والـقـَمَر غايـِب كمان ..؛

والـدِّيـابَـة عَ الـغـَـلابَـة ،

واللى إنـسِـى ، واللى جـان ..!

وامَّا نـور الـصُّـبح شـَقـشـَق ،

والـنـَّهار قـَـرَّب يـِبان ،

والجَـمَل مارجـِعـش لِـسَّـه ،

فـَكـَّـروه لِـلعَـهد خـان ..!

كـُل واحِـد خـَدلـُه طـوبَـة ،

كـَسَّـروا كـُلِّ الـحـيطان ..!

والـمَـلِـك شـاف الـنـِّهايَـة

تـَحت رِجـلـين الـحُـصان ..!

والـجَـمَل عاد لِـلـمَـدينـَة

بَـسِّ كان فات الأوان ..!

والجـِدار اتـهَـدِّ فـوقـُه ،

واتـقـَتـَل جـوَّا الـميـدان ...!

*

حَـدِّ فــاهِـم أىِّ حاجَــــة ...؟!

حَـدِّ عارِف أىِّ شــــــئ ...؟!

خـَـلـُّوا بالكوا مِ الخـَواجَة ..

قـَبل مايضيع كـُلِّ شــــئ ...!

***

شكرا لك على الموضوع الجميل و المفيذ ♥

جزاك الله الف خير على كل ما تقدمه لهذا المنتدى ♥

ننتظر ابداعاتك الجميلة بفارغ الصبر

[center]تسلميلى ياغاده
اسعدنى مرورك

حَـدِّ فــاهِـم أىِّ حاجَــــة ...؟! 203793

[/center]