احمد رامى
مدير عام
المزاج : 
الهوايه : 
المهنه : 
الجنس : 
عدد المساهمات : 16454
تاريخ التسجيل : 07/02/2011
العمر : 44
بطاقة الشخصية
:
:
 | موضوع: ميدان و نار ودخان  السبت ديسمبر 03, 2011 12:27 am | |
| مِيدانْ وِنَارْ وِدُخَانْ ! ميدانْ ونارْ ودخانْ وبارود في كُل مكان وزمان غير الزمن ده كفاية عليك يا زمان مصر الحبيبة الغالية عَايشه على بُركان ........................ واحد هناك في وسطنا بِيْغِشنا مُشْ مِننا واحد بيحرق في البلد إِحرق هنا .. وَلَّع هنا واحد بيحرق دمنا وراية سودة بِتِعْلى فوق وإحنا هناك وِسْط الحريقة بْنِتْحَرق والبلد تِتْباع في سُوق .......................... فين الضمير يِشْتِري وفين اللي باع دم اللي جاع لسه بينطق من بعيد يا بلد رُوحي اكتبي كِلمة وداع ........................ رُوحي احرقي كُتُبْ التاريخ اللي كتير كَتَبِتْ عليك رُوحي امسحي شَعْرِك واغسلي دمعة عنيك روحي اكْدِبي قولي ولادي مابيحرقوش واللي اتحرق رَمْيَاه اِيديكْ مَلُهْش لازمة يتحفظ ولا نِذْكُره ولا نِكْتِبُه ولا حتى نعرف مَذهبه ................... عَدِّيتْ عليكي في يوم غَريب قلت أشوف مين اللي صاحبك ومين عَدِوْك ومين حَبيب لقيت ولادك بيخنقوك ولقيت مفيش فيهم طبيب ولقيت مُنَاهُم يِقْتلوك ويورثوك ويْقَسِموك ويِإْفِلوا نجمك ياغالية ويتِْمَنُّوا لو شمسك تغيب ........................... خلاص بقت فوضي كبيرة الكل سَاب ومفيش رقيب ومفيش حساب ومفيش ضمير نِسْأَله إيه اللى ناوي يعمله مات الضمير فينا خلاص مستنيين ساعة العزا قِيموا الحداد خلوا الجنازة كلها بطول البلاد ماتت بهية من زمان من يوم ماضاع فيها الأمان من يوم ماباعوا أرضها ودلوقتي ساكنين الليمان ....................... بس الزمان بيقول يادنيا مستحيل بهية لايمكن تموت !!! مهما يطول فيها السكوت بهية واقفة هناك بعيد تستني جيل من بعد جيل بتقول هييجي يوم أكيد وابْنِي الحقيقي ياخد بإيدي تِرُدْ روحي من جديد ويرتوى صدري العليل مهما تصومي يا بهية الصوم بِييجِي بعده عيد بكرة تشوف يا زمن وبكرة هَتْغَنْي يا نِيلْ ياسين .. الطفل الوليد جاي وهيرد الجِميل !!! واللهِ هَيْرُد الجِميل !! | |
|
غاده
ADMIN
المزاج :
الهوايه : 
المهنه : 
الجنس : 
عدد المساهمات : 18410
تاريخ التسجيل : 08/02/2011
العمر : 44
بطاقة الشخصية
:
:
| |
احمد رامى
مدير عام
المزاج :
الهوايه :
المهنه :
الجنس :
عدد المساهمات : 16454
تاريخ التسجيل : 07/02/2011
العمر : 44
بطاقة الشخصية
:
:
| | موضوع: رد: ميدان و نار ودخان الأحد ديسمبر 04, 2011 1:46 am | |
| [center] تسلميلى ياغاده
اسعدنى مرورك
 [/center] | |
|
