المجنـــــــــــون ؟؟!!

أنا مجنون ؟!
بيقولوا مجنون ؟!

ابعد عنه ، اوعى تقرب
ده مجنون

بيحب ويعشق
صار مجنون

شفت قمر بيحب النوم
وشمس بتقبل لوم

ونجوم صارت كوم
وطيور بتغرد وقت النوم

والشياطين أمنت باليوم
مجنون

شاعر محروم
مسك القمر وعد نجوم

طاف الكون بدون معلوم
زار الشمس ب(شلن) مخروم

عدا بحور وجبال قالوا :
مظلـــــوم .... لكن مجنون

جاب القمر ع التليفون
قاله : بحبك ،،

قال : مجنون
قاله : العشق

قال : مسجون
والهوى في بلاد سيجون

كانت لعبة ع التليفون
ولا كورة وشاط في الجون

هو الحب مش في الكون
ولا القدر مالهوش عيون

ولا القلب باع الحب ،
وخد عربون

وراح إشترى قلوب بتخون
نعمل إيه ؟؟ عالم جنون

قولي ياخويا :أعيش مجنون
ولا اكون ببلاد صهيون

راح أعشق بالمليون
أطلع سما وألف الكون

أنزل أرض قلاع وحصون
أغوص في بحور ،

واجيب المردة ع الكركون
وأقول للكل : إني بحب

ومش راح أخون
ولو قالوا علي

مليون مجنون


**************