تدري يوم شفت اسمك قلبي دق بجنون
ما عرفتك ولا شفتك لكن للحب أحكام
كلماتك دخلت قلبي وحسيت إنك حنون
حسيت بقلبي خفق وصرت لي فارس الأحلام
باختصار حبيتك من غير ما تتلاقى العيون
شلون لو شفتك يمكن يثور فيني الغرام
تغيب وترجع وإنت مو داري إن لك مجنون
متيم ولهان وعايش بحالة هيام
الكل حولي يسألون السبب وغالبتهم ظنون
لا سكوت يهنيني وما أعرف حتى الكلام
لين بادرتني بكلمتين طيروا النوم من الجفون
حسيت إني قبلهم كنت عايشة بغمام
صرت شاعرة وأفضل من شاعر المليون
كل هذا وحبك لي كان مجرد إلهام
ويوم قلتلي أحبك حسيت إني مو بالكون
طرت ورقصت وغنيت عالحب ياسلام
يمكن ثقلت بالأول والثقل صنعة يقولون
بس رضخت لأن حبك كان أحلى الأوهام
صرت لي خيال وواقع والحياة والكفون
صرت لي أهلي وناسي ورفيق الأيام
صدق من عرفتك لليوم مابكيتلي عيون
كل ما نزلت دمعة تمسحها وتزيل الآلام
أحبك ولحبك أمارس كل الفنون
أغني لك وأرسم وياك كل الأحلام
أحبك وأحلف إنك عالروح تمون
من قبلك عيوني وقلبي كانوا أيتام
أحبك وأعشقك وعشقك بقلبي مكنون
وإن كان البعد حلال بعدك عني أكبر حرام
أحبك وأدري إنك حبي رح تصون
ومارح تسكت قدامي لو انتهى كل الكلام
أحبك ولو الللقا بيدي كنت جيتك لو أبيع الكون
لكن ربي كتب كل عاشق يذوق الآلام
بس أدري بعد العذاب والسكون
بتجي ريح اللقا وتحطم للشوق كل الأرقام
أدري إن بلقاك بتصدق لي الظنون
وبتكون لي حبيبي وتبني لي كل الحطام
أدري لو أغيب عنك وتطول السنون
إني برجع وألقاك كني ماغبت أيام
تدري من وين هالثقة يالحنون؟؟
لأن حبك علمني مايصدق إلا الإلهام
وأنا قلبي قال إنك لا يمكن تخون
وقلب العاشق دليله ويوصله للسلام
اهداااء للغالي ......
الأحد فبراير 27, 2011 11:55 am
