بسم الله الرجمن الرحيم
مسائكم مسك و عنبر
جايبلكم النهارده اربع مقارنات بين الاولاد والبنات
ومحدش ينكر ويقول ان الكلام ده غلط
......
انا عن نفسى اعترف بان الموضوع كله صح وواقعى
بلاش اطول عليكم واسيبكم مع الموضوع مع .....
المقارنه الاولى
بالنسبه للفتاه
لو شافت مره واحد لاول مره واعجبت بيه تبصله من تحت لتحت عشان متتفضحشى والناس تتكلم عليها
اما بالنسبه للولد
لو شاف واحده لاول مره واعجب بيها يلف وشه 360 درجه وتلاقى يا عينى نص سكان المنطقه عرفو هو بيبص ليه ويبتدى من سعتها يفكر ازاى هيصلح غلطته مع البنت الغلبانه دى
المقارنه الثانيه
بالسبه للفتاه
لو لقت قط غريب فى البيت بتروحله وتطبطب عليه وبتاخده تاكله وتروح للباب تحطه بره وتغنيله اسفه لاصاله والسبب ان ابوها مش بيحب القطط فى البيت
وتوعد القط انها هدخله بكرا والمسكين يستنى لبكره ويبات فى البرد
بالنسبه للولد
فامبيصدقش نفسه لما يلاقى قط فى البيت بيتخيل نفسه زين الدين زيدان
ويسدد ضربه حره وفجاه يلاقى القط نفسه متشاط بره البيت وهو طاير بيقوله منك لله يا شيخ لحد ما يعتر فى صندوق زباله تاخده
المقارنه الثالثه
بالنسبه للفتاه
حين تجد مرعب النساء فى المنزل طبعا كلنا عارفينه ( الصرصور ) تصرخ جامد اكنها بتلحن سيمفونيه بتهوفن من جديد وتجرى تجيب المبيد وتجرى على الصرصور وتقوله حتموت يعنى حتموت والله لاموتك والصرصور بيضحك على خفه دمها لحد ما ابوها يجى ويضربه بالنار
بالنسبه للولد
بيتغر فى نفسه بقا ويقول للصرصور جيتلى لوحدك محدش جابك يعمل فيها بقا رامبو ويصطاد الصرصور ويقطع رجله الاولى ويقوله
بابا فين
الرجل التانيه : ماما فين
الرجل التالته : اخواتك فين
الرجل الرابعه : ساكن فين
بكده يكون تمت عمليه التعذيب ومازال الصرصور حيا
يسيبه صاحى مشلول من غير ارجل عشان يبقى عبره للى هيجى البيت من شله الانس والفرفشه شله مرعبين النساء
المقارنه الرابعه
خناقه بين بنتين ما بنسمعشى الا ..؟؟؟؟؟
انتى حماره
انتى اللى ستين حماره
الزمى حدودك انتى اللى ستميه وستين حماره
ياااه انتى جريئه اوى انتى اللى ست الاف ستميه وستين حماره
لحد ما يوصلو للعد 6666666666666666666666666 من الحمير
اما بين الاولاد فا عينك ما تشوف الا النور الضرب تحت الحزام
وبعد الخصام يحلى السلام
الجمعة يوليو 01, 2011 8:54 pm
