ياخويا يلى متعدى

الإنسانية بين الأفراد...

يا خويا يلّي متعدّي
**************
يا خويا يلّي متعدّي
خوذ بخاطري ويجاني
لاتفوتني تخليني وحدي
قاتلني الوحش تلقاني
جافل منّي و متصدّي
حتّى بسلامك تنساني
لاتكون عنيد ومتحدّي
كلّ من عليها فاني
خلّي ندّك من ندّي
عامل عليّ بلعاني
وإذا إنت ماكش قدّي
هذازمان عليك رماني
نحترمك وحبّك عندي
حبّ كبير روحاني
حبّ جلاصي لكرد الهندي
حبّ القابسي للرّمّان
حبّك وشّمته على زندي
حبّ كبير ربّاني
إنت في عيني أفندي
وأنا في عينك شيطان
يا دنيا عليّ ردّي
ناكل في روحي دخلاني
وضع النّاس صار متردّي
والخو ولّى برّاني