أنا بقيت انسانة تانية ..!!

أنا بقيت انسانة تانية ..!!

آه بجد من فترة بقيت انسانة تانية خالص
...
كنت الاول شاطرة وبصلي وبعمل كل حاجة ترضي ربنا

وبعدين مريت بظروف كده خلتني غصب عني مقصرة

وياليتها على التقصير بس :(

ده أنا كنت بعمل حاجات مش بترضي الله أبدا

وكنت دايما متدايقة ومخنوقة وحاسة بحزن شديد

وأنا كنت عارفة ان السبب هو بعدي عن ربنا

بس كنت بستعبط ومستمرة في الغلط

ومع ده كنت مستمرة في الدعاء ان ربنا يهديني ويصلح حالي

وكنت بجد متالمة للي بيحصل بس حاسة اني مش قادرة

ووقتها بجد حسيت بمعنى الآية اللي بتقول

{وَمَن يَعْشُ عَن ذِكْرِ الرَّحْمَنِ نُقَيِّضْ لَهُ شَيْطَاناً فَهُوَ لَهُ قَرِينٌ }الزخرف36

كان فعلا فيه شيطان مسيطر عليه وبيخرجني من ذنب

ويدخلني في ذنب تاني أكبر

يااااه كان إحساس وحش آوي

والله بجد البعد عن ربنا إحساس وحش جدا

عشان بتحس انك عايش في غرفة ظلماااااااااء ومش قادر تخرج منها

ومع ان الباب بيكون مفتوح قدامك بس انت اللي مش قادر تمشي ليه

طب ليه بجد انا ما كنتش فاهمة ليه

بس أما قررت إني أتغير وأرجع لربنا

وبدأت جاهدت نفسي وبقيت بدعي ربي بقلب حاضر

وبتوسل اليه ينقذني من اللي انا فيه

وبدات اتقرب اليه بالنوافل واعمل حاجات تقربني ليه

لقيت ان ربنا فعلا وقف معاي

ولقيتني برجع وبعرف اتخلص من الذنوب

وده بفضل الله اولا وبفضل اني قررت اتغير

الاول كنت بتوب من الذنب وبرجعله ان كان مش في نفس اليوم

في اليوم اللي بعديه او بعديه باسبوع

لان مافيش توبة صادقة لله ومافيش استعانة بالله

لكن بعد ما ربنا كرمني وبقى بيعيني على نفسي الامارة بالسوء

بقيت بتخلص من الذنب بسهولة

وبقيت مسيطرة على شهواتي والحمد لله

ودلوقتي رجعت زي الاول والحمد لله

وده فيه نصيحة لكل واحد مننا

لازم تفك قيدك و تتخذ القرار إنك تتغير ووقتها هتتغير فعلا

ربنا يتوب علينا وعليكم ويهدينا ويهديكم ..

منقول

يــ ع ـطيكـ الــ ع ـآآفيهـ على مآطرحتي لنآآ يـآآلــ غ ـلآآآ ,,

ولاتحرمينامن جديدكـ ,,,, لآعدمتي ,,, ولآهنتي

[ندعوك للتسجيل في المنتدى أو التعريف بنفسك لمعاينة هذا الرابط]