فى السما والأرض فرحه وعيد سـعيد
والوجــود نوَّر ولابس تـوبجـديد
والطيـور غنت معـايا من هنايــا
أحلى عنـوة قالها قلبى فى أحلى عيد
عيــــــدك يا أمى أحــلى عيد
***
قبل ما تشوفنى الحيـاه صوتك ندانى
كنت مشتاقلِك وبـِدِّى أسبق زمـانى
ويوم ميلادى قبل ما تفتَّح عيــونى
قلبى جاوبك قبل ما ينطق لســانى
ضميتينى وخدتى إيدى م البدايــه
كنتى روحى وكنتى أقرب من ندايـا
والطيور غنت معايا من هنايـــا
أحلى عنـوة قالها قلبى فى أحلى عيد
عيــــــدك يا أمى أحــلى عيد
***
عمرى ما انسى مهما طال العمـر بيَّا
عطـف قلبـك واللا أفضــالك عليَّه
شِدِّتِك فى طفولتى كنت احسبها قسوهْ
وهى كانت حِصن أيامى اللى جايــه
كل ده حسيته وانا بحضن ضنايـــا
ياللى حضنِك ضمنى بأجمل حكايــه
والطيور غنت معايا من هنايــــا
أحلى عنـوة قالها قلبى فى أحلى عيد
عيــــــدك يا أمى أحــلى عيد
الإثنين أبريل 04, 2011 2:26 am
