طول عمري عايش متهم
من غير ما يبقى لي تهم
غيرشي في راسي قنبله
ولساني دا أكبر لغــــــم
وأديه دي أُس البـــــــَـلا
قال إيه مصاحبه لي قلم
حبره ذخيره مفخخــــــه
في الحق بيطلع حمـــــم
وعنيه ماصَبهاش حَــوَل
متكحله بطعم الألـــــــــم
أحساسي كان هم البشر
ووداني ماصبهاش صمم
رجليه دارسه خطوتـــي
مش نعجه ويا قطيع غنم
طريقي واضـح في العلن
مش ملتوي زي الرمــم
ولنفسي من صغري هدف
صاحب قضية تحتـــــــرم
وصحابي يوم ما اخترتـهم
أوحش مافيهم محتــــــــرم
كانت بداية سكتــــــــــــــي
رافض أعيش زي البجـــم
جربت ياما ف رحلتــــــــي
مارضيتشي يوم بيــع الذمم
ولايوم بزلــــــه انحنــــــــي
وأنسى واطبل للعمــــــــــم
ودماغي عارف سكــــــــته
إن شا الله بعدها يتفــــــرم
كان التحدي في دنيتــــــــي
عنوان كبير مليان زخـــــم
مريت بكل الأوديــــــــــــــه
ومبادئي نار من فوق علـــم
زعلت ياما م البشــــــــــــر
وف وقتها كالوا التهـــــــم
علشان لي رأي في رأيهــم
خلوني ماسواش العـــــــدم
يمكن حقيقي خسرتهـــــــم
وعضني ناب النـــــــــــــدم
لاكني راضي ومقتنـــــــــع
إن السعادة في القيـــــــــــم
لازم لها من تضحيـــــــــــه
والبذل دا عز الكــــــــــــرم
مهما اختلفنــــــــا يردنــــــا
طوق المباديء والشيـــــــم
والحب سحره يعــــــــود بنا
يرفعنا فوق كل الأمـــــــــم
معقوله نخسر بعضنــــــــــا
علشان خالفتك في نعـــــــم
الإثنين أبريل 04, 2011 2:29 am
