حكاوى مصر من التراث القديم
موجوده جوانا مهما هربنا منها بعيد
فتاوى و حوادث و ساعات كوراث
و فسيخ فاسد و تسمم فى يوم العيد
و فيها فرحة كورة و فيها ناس مكسورة
و فيها ظلم و فيها ثورة و عهد جديد
و فيها الريس و فيها المبيس و كمان الكويس
و فيها الحجب و الشجب و الموافقه و التنديد
و فيها البوليس و القسيس و فيها الطيب و الخبيث
و فيها العفش و الشبكة و جوازة باظت على التنجيد
فيها المحامى و الحرامى و فيها المرتشى و العصامى
فيها الله يحرقك .. قرفتنى ..و فيها مبروك و عام سعيد
حكاوى مصر من أيام الفراعنة و المماليك
وبين القصرين و حب البنات ورا الشبابيك
فيها انت خاين و فيها بروحى افديك
إزاى ياللى نفسك تحكمنا
كل ده ما كان بيكفيك ؟؟؟؟
الإثنين أبريل 04, 2011 2:31 am
