(( يوم اليَتيم ))
يالا بينا نِلتَف حَوالين اليوتَما
النهاردة عيدهُم النهاردة يومهُم
عايزين نِخَفِف من كتيرأحزانهُم
عايزين نِشاركهُم فى كُل ألامهُم
عايزين نِرسِم الفَرحَة فى عِنيهُم
دا رسولنا وَصَى كتير عشانهُم
ماتيجوا نِسمع هى إية أحلامهُم
دا يابَخت اللى يسعد واحد منهُم
يالا بينا نِروح نشوف مَطالبهٌم
يالا بينا نِغزل من الحُب حِكاية
*******************
ولادنا اليوتَما محتاجين رِعاية
محتاجين إهتمام دا غيرالهَدايا
محتاجين يحسوا بِحِنية الأمومة
محتاجين يحسوا بِحِنية الإبوة
محتاجين لبسمة وكلمة حلوة
إن كانوا أطفال أو كانوا صَبايا
مين اللى ح يغَنلهُم النهاردة غِنوة
مين اللى يخليهُم من القلب جوة
فرحانين وسُعدا بيك إنت وهو
مين اللى ح يسمع ياناس نِدايا
*******************
شوفوا اليتيم إبن الجيران
اللى فَقَد أُمة وأبوة فى يوم
طَبطَبوا علية إدولوا حَنان
إوعوا تِسِبوة على طول مَحروم
خَلوة يلعَب ويجرى كَمان
ومفيش مانِع تِجِيبولوا هِدوم
الطِفل اليَتيم مِحتاج لأمان
وعَطف وحنية علية تِدوم
الله يديمها على كل إنسان
ويوَسَعها علية فى كُل قِدوم
*****************
الإثنين أبريل 04, 2011 2:40 am
