عمال وفلاحين

موضوع: عمال وفلاحين الإثنين أبريل 04, 2011 2:45 am

عُمَّال وفلاحين
خمسين في الميه عامل ... ومعاهم فلاحيــــن
كانوا زمـــان زمـايل ... في برلمان مَتيــــــن
العارف جنب جاهِـل ... لكن مربَّطيـــــــــــن
لو فيهُم حد جامِــــــل ... التاني يقول أميــــن
حافظوا ع الحق كامِـل ... للناس المطحونين
كان كل نـُص شايِّـــل ... هم البلد سنيـــــــن
ـــــــــــــــ
قِدِرُم ياخدُم حقوقهـُم ... في الشـُغل وف العَلام
عِرفوا يمشوا ف طريقهُم ... خطـاوي وللأمــام
كــــان الدم ف عروقهُم ... حامــي على الدوام
لكنْ كان بيضايِّقهُم ... ناس غاويه تقول كــلام
ركبوا فوقهُم وبقيوم ... همَّا اللي في الأمـــام
كان همُّهُم وشوقهُم ... يزيحوا الفلاحيــــــن
ــــــــــــــــ
أصبح مجلس بلدنـــا ... مليان بالأغنيــــــــاء
إللي وصلوا لوريدنا ... ومصمصوا الدمـــاء
خلوا الغلاء يقودنــا ... أميال إلى الـــــــوراء
عملوا مع الحــق هُدنه ... بمنتهى الغبــــــــاء
عشان لصوص تسودنا ... وتسرق في الخفاء
مالنا وأموال جدودنـا ... وحقوق الشقيانيـــن
ـــــــــــــــ
أعضاء سنـِّت سِنانها ... وبقت نوَّاب قروض
والمجلس برضو عانها ... خلالها فيه وجـود
لكن عجَز يصونهــا ... م السجن وم القيــود
سابها تايهه ف سجونها ... زي شوية قرود
عشان طلقت لسانها ... وتخطـِّت الحـــدود
والشعب كله دانها ... علشان أصبح مديـن
ـــــــــــــــــ
أما بتوع المزاج ... نوَّاب صنف الحشيش
السوق لعلع وراج ... ولغوا كلمة مفيــــش
وبتوع نهـْب العلاج ... عاوزه ببلالش تعيش
تـُملك صحيح براج ... ترمح فيها الجيوش
لكن ياخدوا العلاج ... والغلبان ميلاقيش
والشعب لما هاج ... لايموها حبِّتيــــــــن
ـــــــــــــــــــ
واللا بتوع الحديد ... وبتوع جلب الفــراخ
خلوا الأسعار تزيد ... والشعب جاع وداخ
مبقاش بيستفيـــــــد ... واتحط فـوق سياخ
والمجلس نـام أكيد ... بعد ما عجِّز وشاخ
لكن لا لــــوم يفيد ... ولا حتـى بالصُراخ
إلا بمجلس جديــــد ... العضو فيـــه أمين
ـــــــــــــــ
عُمَّالنا بدون جـدال ... واخونا الفلاحيـــن
حالهم دلوقتي مال ... وبقم متمطوَّحيـــــن
زي المثـَل ما قال ... خرجو بخـُفىْ حنين
إمتى يرجع جمال ... عبد الناصر وفيـــن
إللي ف يوميها قــــال ... عُمال وفلاحيــن
وبعد ما عصرُه زال ... مبقوشي موجودين
ـــــــــــــــــ
وحقوق ولادنا ضاعت ... ورجعْنا للخـــــراب
لما الحكومـــه باعِت ... كـُلـُه برُخـْص التـُراب
خلت عمالنا صاعِــــت ... رغم انهـُــــــم شباب
والناس ف بيوتها جاعت ... عشان مجلسنا غاب
تلقاه في الجلسه ساكت ... أو كله مزوَّغــيــــن
***********