احمد رامى
مدير عام
المزاج : 
الهوايه : 
المهنه : 
الجنس : 
عدد المساهمات : 16454
تاريخ التسجيل : 07/02/2011
العمر : 44
بطاقة الشخصية
:
:
 | موضوع: يا أمنــــــا  الإثنين أبريل 04, 2011 2:49 am | |
| يا أمنــــــا
يا مصر يا أم الضفاير
مجدولين من حُبنا
يا أمنا
عيدك السنوي خلاص مبقاش في مارس
م السنادي يا أمي عيدك في يناير
يوم ما قام الشعب ثاير
وانتصر على حُكم جاير
يا مه فاكره ؟
كان يوميها الدم فاير
والشهيد فارد جناحُه فوق وطاير
كان سعيد فرحان عشانك يامه
كان فرحان
شايف الميدان في زحمه
والشباب مالي المكان
شاف علامة نصر
بتزف البشاير
شاف رايات يا مصر
فوق كل العماير
وصوت أدان الفجر
طالع م الجوامع
والجرس بيدُق
فوق كل الكنايس
كان يا أمي الكل حاسِس
إنـُه له في بلادُه حق
وإن بعد الفجر عصر
شمسه طالعه بتحتفي بيكي يا مصر
يا أم الضفاير
مجدولين من عِشقِنا
يا أمنا
النهارده العيد بتاعك في يناير
مش في مارس
يوم هيبقى كل عام
يوم أجازه في المصالح
والمدارس
كان زمان عيدك يا أمي مالـُه طعم
لما كان ييجي في مارس
كنا بنقـَّضيه حزانىَ
ع المصايب والكوارث
عبارات تغرق في بحر
ناس كتير بتموت في قطر
ويتهموها ف أي حارس
مزلقان عايش في قهر
غير طرق فيها التصادُم
بالألوف في كل شهر
والسبب حبة ديابه
واللي مات حبة غلابه
يدفنوهم في الخرابه
والحقوق بتضيع عليهم
أصلهم ملهومشي ضهر
كنا ياامَّا كلنا عايشين في غابه
أو في نهر
الغني ياكل فقير
والسمك لو كان صُغـَيَّر
يبلعُه السمك الكبير
النهارده يامَّا عيدك في يناير
والزمن أصبح مُغايِّر
والحجَر بعد اما كان ساكت
بقى بالثوره دايِّر
ثورة الملايين وكان الدم فاير
ثوره فيها اتقطـَّعِت كل الستاير
وابتدى النور ينجلي ويدخل يجيلنا
من بيبان متفتـَّحه على كل جيلنا
يسري ف عروقنا الدفا ونشد حيلنا
ونبتدي ننهض يا أمي
وانتي في حضنك تضمي
كل واحد من ولادنا
واما عيدك ييجي تاني
في يناير مش في مارس
تسمعي منا الأغاني
مصر يا أم الضفاير
مجدولين من دمِّنا
لو صُباعِك بس شاور
نبقى جمبك كلنا
ما انتي فرحك فرحنا
وانتي همِّك همنا
وانتي جرحك
في المعارك هو برضو جرحنا
يا أمِّنا
************* | |
|
غاده
ADMIN
المزاج :
الهوايه : 
المهنه : 
الجنس : 
عدد المساهمات : 18410
تاريخ التسجيل : 08/02/2011
العمر : 44
بطاقة الشخصية
:
:
| | موضوع: رد: يا أمنــــــا الجمعة أبريل 15, 2011 1:41 am | |
| | |
|
احمد رامى
مدير عام
المزاج :
الهوايه :
المهنه :
الجنس :
عدد المساهمات : 16454
تاريخ التسجيل : 07/02/2011
العمر : 44
بطاقة الشخصية
:
:
| | موضوع: رد: يا أمنــــــا الجمعة أبريل 15, 2011 5:59 am | |
| | |
|
