يا دكتاتور

موضوع: يا دكتاتور الإثنين أبريل 04, 2011 2:52 am

يا دكتاتور

بتهبب ايه يا دكتاتــــــــــور

واللا انت مُخك مُخ طــــور

جهِّزت للشعـــب الساطــور

علشان ف يوم قرر يثـــور

خلـِّيت جيوش الأجنبـــــي

تـُقف على حدودك طابور

ـــــــــــــــــــ

الشعب رافِض تحْكـُمُـــه

ليه انت عاوز تحرمُــــه

من كلمته وتكمِمِــــــــــه

وعشان مصالحك تعْدِمُه

إمتى هتفهـــم يا غبـــي

دا الشعب غادِر قـُمْقـُمُه

ـــــــــــــــــ

إنت أكيد منتاش بَشـَــر

علشان تأجَر ناس غجَر

وكأنها كلـب انسَعَــــــر

هجمت بأسلوب التـَتـَر

إزاي تقو انك نبـــــــي

وتحُط شعبك في الخـَطر

ـــــــــــــــــــ

فـَرَسَـــك وقع وسط الخناق

وخرجْت بدري من السباق

ونسيت بأن الــرب شــــاء

يبعت ملايكه من السمـــاء

تقف مع الشعــــب الأبىْ

قبل اما يتحوِّل عــــــراق

ــــــــــــــــــ

إديــت لجيش الأمريكـان

الحق يدخـُل في الميــدان

ويدُك ليبيا بالنيــــــــران

مستني لما تقــوم تبــــان

علشان يقولك يا صبــي

إنت اللي خسران الرهان

ـــــــــــــــــــ

أمريكا كان طول عُمْرهـا

شايله وكاتمه في سِرهــا

رغبتها تزرع جدرهــــا

في المنطقه وتحتلهـــــــا

واما انت قولتلها اضربي

حمدت وشكرت ربهــــا

ـــــــــــــــــ

يا رب يحميك م الحَســَد

يا زعيم مفيش زيَّــك أحد

حطيتنا في بُـق الأســــــد

ينهش وياكل للأبـــــــــد

شامي يكون أو مغــربي

كله في دُورُه هينجلـــــد

ــــــــــــــــــ

يا وصمه في جبين العرب

ياللي بإيديك بلد انخــَـــرب

تبت يداكَ أبا لهــــــــــب

الدم ســال بيك للرُكـَـــب

قصَّفت ريشي ومخلبــي

وخليت بلدنا بتنضـَـــرب

ـــــــــــــــ

يا إنس من جنس البقــــر

يا قرد نطاط ع الشجَــــر

دا الشعب بإرادتـُه قـــدر

ياخد موافقه من القـــدر

يقـْطع إيديك يا لـــولبي

ويعيش بنصرُه المُنتظر

********

موضوع: رد: يا دكتاتور الجمعة أبريل 15, 2011 2:13 am

موضوع: رد: يا دكتاتور الجمعة أبريل 15, 2011 4:36 am