لِـسَّــه خايف
**
*
*
*
لـِسَّـه خايـِف ، أيوَه خايـِف
أصلِى شايـِف فى الضباب أشكال غـَريـبَة
كـُلـَّها مَكر وخِداع مَـدهون بـِطـيـبَة
عَ الوشوش اللى بـِتِـضحَك لِـلحَـبـيـبَة
إن انا ماعرَفـش أسلـِّم للأفاعِى ؛
صَعب عَ السَّـاحِر خِداعى ؛
والدُّوسِـيه مَلـيان مَصايـِب مِ الـتـِّقـيلـَة
حَـق ناس ماتِـت قـَتـيلـَة
واللى جاعوا ألـف لِـيلـَة
والقـلوب كانِت عَـليـلـَة
لـَمـَّا هِـربوا مِ القـَبـيلـَة
يهـتِـفوا ضِـد الـرَّزيلـَة
واللى تاهـِت يوم خـُطاهـُم
حَـقـُّهُـم جـوَّا الحَريقـَة
واللى كان يـِفرِق مَعاهُـم
يسـمَعوهـُم لـَو دقـيقـَة
لـَو حَ تِـترَد السِّـريقـَة ؛!
وقـتـَها كانِـت وشوش الغـول بَـريـئة
كان بـِيـِتـبَـسِّــم ويغـمِـز لـِلمُذيعَة
كان بـِيـِلجأ لـِلخـَديعَة
أو لِحُـرَّاس الشـَّريعَة
لـَجـل يـِلقـَى جَـنب مِـنهـُم
والحقايق فى الحقيقة شكل تانى
واللى بايـِن مِنها دايمًا
أيوَه خايـِف مِ الـدِّيابَـة
يـِنـهـَشـوا لـَحم الغـَلابَـة
يحبـِسـوا اللـَّحن اللى عايـِز
يـِتسِـمِع وَقت الكِتابَـة
والدموع ف عـنـَيـَّا بانِـت
وانتَ عارِف ، إنـِّى خايـِف
حَـتـَّى لـَو فـَكـَّرت أقولـُه
مِـش حَ تِـسعِـفـنى الشـَّفايـِف
خوفى يـِهرَب مِـنـِّى عُـمرى
لـَمَّا اشوف الناس بـِتـِجرى
دا الـزِّواق ، واللا الرتوش ؟!
وسط ناس مابـيـِحلـَموش ؟!
دَبَّـرونى يااهل مَصر الحق فـين ؟!
فـَسَّـرولِى النـُّوتـَة واللـَّحن الحَـزين
وَضـَّحولِى ياحَبايـبى الطـَّيـِّبـين ،
هوَّا انا خـَايـِف لِـوَحدِى ؟،
واللا فـيكـُم خـَوَّافـين ؟!
عَ المَعانِى الحِلوَة فِـينا
تِـخـتِـفى وِسـط المَعانِى
واللا رُبَّـان السَّـفـينـَة
يـبقـَى تايـِه فى المَوانِى
واللا تِـتكـَتـِّف إيـديـنا
والـسـنـين تِرجَع عَـجايـِف
لـَمَّـا تِـتخـَزَّق عِـنـينا
واعـتـِرِض لـَو كـُنت شايـِف ؛!
بَـس مين عَلى مَصر لايـِف ؟!
عَ الفـَساد ، عَلى كل زايـِف
عَ الوِلاد ، انا لِـسَّـه خايـِف ...
اللهم آمن روعاتِنا ووفقنا إلى مافيه الخير والسداد يارب العالمين
اللهم آميــــــــــــن
*
خالص محبتى واحترامى لجميع الشرفاء والمخلصين
*
الإثنين أبريل 04, 2011 2:56 am
