احمد رامى
مدير عام
المزاج : 
الهوايه : 
المهنه : 
الجنس : 
عدد المساهمات : 16454
تاريخ التسجيل : 07/02/2011
العمر : 44
بطاقة الشخصية
:
:
 | موضوع: جانا عريس  الإثنين أبريل 04, 2011 3:34 am | |
| جانا عريستليفونا مرَّه جـلجـــل .... لما اتجنن ف يــــــــوم
كـُنـَّـا واخدنا المسلسل .... ومحدش عاز يقــــوم
كان التلفزيون مصهلل ... فيه زحمه من النجوم
واحنا قاعدين نحلل .... حَبه وحَبه ف وجـــوم
في الآخر قـُمنا نسأل .... مين يطلبنا السعــادي
ـــــــــــــــــ
أنا قلت مين آلـــــو .... رد الصوت من بعيــد
قالي أيوه آلــــــو .... منزل أستاذ سعيــــــد ؟
قلت دا منزل أبوه .... الحاج نوُر فريــــــــــد
قاللي أهلا يا بيـــــه .... أنا ليا واد وحيــــــــد
عــــاوزين نجوِّزوه .... ونزوركم الليــــلادي
ــــــــــــــــــــ
قلت له أهلا تشـــرَّف .... البيت بيتك تنــــوَّر
وناديت على أم أشرف .... علشان نقعد نفكـَّر
خليت العيله تعْرف ... بعريسنا اللي هيحْضر
علشان تقوم تنضَّف ... وتخلي بيتنا يظـْهـَــــر
وبَعَت إبني أشرف .... يجيب فاكهه احتياطي
ــــــــــــــــــــ
وبعد حوالي ساعه .... وصل ركـْب الضيوف
راجل راسم وداعه .... داخِِــــــل زي الخروف
قال دستور يا جماعه .... أنا إسمي الحاج عوف
ودخل وراه جماعه .... ماشيين صفوف صفوف
هرْبت مني الشجاعه .... لما بقيّوُم قصـــــادي
ــــــــــــــــــــــ
كانوا أم العريـــس .... واخواته في الرضاعه
إللي شكلـُه تعيــس .... واللي آخر ميَاعـــــــه
واللي تخين زي تيس ... واللي جاي من مجاعه
قعدوا ف أوضة الجلوس ... بيعاينوا ف البضاعه
فلقيت بنتي لميس .... بعنيها تنــــادي ( دادي )
ـــــــــــــــــــ
أبو العريس وأمُّــــه .... قاعدين زي الحيتــــــان
واخواته وابن عمُّـــه .... شربوا وعاوزين كمان
خليت ولادي لمُّوا .... كام صحن م المكـــــان
وقلت ياللا هِمُّـــوا .... يا ولاد بالبرتقـــــــــان
علشان نخلص وعمْوا .... يبدأ ويقول يا هادي
ــــــــــــــــــــ
وقلت مين يكـــــون .... عريسنا ف كـــل دوُل
بصت كل العيــــون .... على واحِد م العجُـول
حط عليا السكون .... معرفتِش إيه أقــــُــــــول
قلت وبنتي المصون .... تعمل إيــــــه ويَّا دُول
قررت اسكـُت واكون ... ماسك أعصابي هادي
ــــــــــــــــــ
علشان أشوف آخرها ... والناس دي عاوزه إيه
وبنتي إيه يضِيرها .... لو تتفرَّج عليــــــــــــه
آخرتها يكون مصيرها .... إللي توافِق عليـــه
ساعه وبعدين مسيرها .... ترفض طبعا إيديه
ونقول له روُح لغيرها .... في حته تانيه غادي
ـــــــــــــــــ
الأب قال يا باشـــا .... إبني المحروس حسين
يمكن صحيح عماشه .... ومتخـُتخ حبتيـــــــن
شغال زي الفراشه .... عامل في وابور طحين
يخطبها بكام غويشه .... ومعــــــاهم محبسين
ويعيّشها ف بشاشه .... بيْدلـَّـــــع أو يــدادي
ــــــــــــــــ
مطالبنا موش كتير .... عاوزين أربع أوَّض
ومن معرض شهير .... يليق باسم الولــــــد
والفرش يكون حرير .... وزوِّد ف العَــــدد
دا مهرنا الكبير .... يشرَّف في البلـــــــــــد
ودا كلـُّه كمان وغير .... شبكه تـْكيد الأعادي
ــــــــــــــــــ
أنا بصيت للعروسه .... قاعــده جنب امَّهـــا
واقعه في ألف حوسه .... ومتعكـَّر دمَّهــــــا
دي ناس فعلا ًخسيسه .... عاوزه اللي يلمَّهــا
قلت عروضكوا النفيسه ... مش جايبه همَّهــا
ليه بنتي تعيش تعيسه .. ودا ماهوش مُـــرادي
ــــــــــــــــــ
يا ناس هوَّ انتو مالكـُم .... عايشين متفكروش
كونوا على قد حالكـُم .... ميهمش القــــروش
ياما من حر مالكـُم .... وضاع جوَّ الكـروش
وجوِّزتـُم بناتكـُم .... جوَزات على فشــــوُش
لما اختارتـُم عريسكم ... غريب عن البلد دي
ـــــــــــــــــ
منتوش عارفين حكايتـُه .. ولا عارفين أصل عيلتـُه
جاى عن طريق جارتكـُو .. يعرِّض عليكوا سيرتـُه
بكلام حلو يسامركو .... وبسرعه يكون سِكِرْتـُوا
بعد ما يصْبح نسيبكو ... تكتِشفوا ان انتو خيبتـُوا
تتمنـُّوا يغـُور يسيبكـُو ... بطلاق أو خـُلـْع عـادي *********** | |
|
غاده
ADMIN
المزاج :
الهوايه : 
المهنه : 
الجنس : 
عدد المساهمات : 18410
تاريخ التسجيل : 08/02/2011
العمر : 44
بطاقة الشخصية
:
:
| | موضوع: رد: جانا عريس الجمعة أبريل 15, 2011 2:11 am | |
| | |
|
احمد رامى
مدير عام
المزاج :
الهوايه :
المهنه :
الجنس :
عدد المساهمات : 16454
تاريخ التسجيل : 07/02/2011
العمر : 44
بطاقة الشخصية
:
:
| | موضوع: رد: جانا عريس الجمعة أبريل 15, 2011 4:41 am | |
| | |
|
