احمد رامى
مدير عام
المزاج : 
الهوايه : 
المهنه : 
الجنس : 
عدد المساهمات : 16454
تاريخ التسجيل : 07/02/2011
العمر : 44
بطاقة الشخصية
:
:
 | موضوع: لا أو نعم  الإثنين أبريل 04, 2011 3:35 am | |
| لا أو نعم
لا أو نعــــم .. مش دا المُهـِـــــــم
عندي المُهـِم يكونلي صُـــــــوت
بيــــه لاقتـراعات تتحِسِـــــــــــم
حتى ولو كـــان بالسُـــقـُـــــــوط
في اللجنــــه من غيـــر ما اتشِتم
أدليت برأيي بــــدون ضغـُــــوط
أو أتسِحِــــل أو أتظـِــــــــــــلِــم
أو عسكري يمنعنــــي افـُــــوت
ــــــــــــــــــ
فــــي عهـَـــــد راح كان اللجان
ما يروحلهــــــا غيـــر العمـيـل
والشرطه تـُقـَّف ديدبــــــــــــان
تمنع دخول ناخِب أصيــــــــــل
عاوز يقــول رأيُــــه ف أمـــان
لاكِن بيلقــــاه مُستحيـــــــــــــل
وان كان شجاع ومهوش جبان
بيسكـِّنــُــوه جُـوَّه التابـُــــــوت
ــــــــــــــــــــ
دا عهد ولـَّــــــــــــى وانتهــــى
عهد الطلاســِــــم والضبــــــاب
عهد الفراعنـــه وأبرهــــــــــه
عهد الغموض في الانتخـــــاب
وان حد قـــال لأه لهــــــــــــــا
لازم يقــــول آه بالعَــــــــــذاب
وتحُط صـــوت من عندهــــــا
لأسماء لناس شبعانــــه مُـوت
ــــــــــــــــــــ
لاكننا عرفنــــــــا الطريــــــق
وهنمشي فيه لآخَــــر مَـــــدَى
وهنبتدي بدستـُـــور يلِـيـــــــق
والسُـلـْطـَــه فيــــه مِتـْحَــــدِّده
وموادُه بالحِبـْـــــر المُضيـــئ
والناس عليهـــا مأيِّـــــــــــده
تدِّيهــا حق ف صوت جريئ
عالي وميعرفشي السُكـُـــوت
ــــــــــــــــــــ
أنا مش مصدَّق خـطــــــوتِي
حاسِس بإنـــي فوق بَطيــــــر
ما حد ســـــادِد سِكـِتـــــــــي
ولا حاسس انـــي بقيت أسير
واقِف على بـــاب لجنِـــــتي
قـُدامي ناس في طابور كبير
مأمونـــه فيـــه حُرِّيِّـتــــــــي
من غير مُساومه أو شـُـروط
ــــــــــــــــــ
الكـُـل داخـِـل بــاحتِــــــــرام
ببطاقته يمضي في الكشوف
ويحُـــط رأيُّـــه بـــدون كلام
ولا حد جمبُــه عشان يشوف
إستقبلونــــــا باهتِـمَـــــــــام
وكإننا صحاب أو ضيُـــوف
ووداعنا كان بالابتســــــــام
وقلوبنا موصُولـــه بخيُــوط
ـــــــــــــــــــ
ورجعت بيتي ببدلتــــــــــي
مكويه من غير بهدلـَـــــــــه
فرحـــان بقيمة كلمِتـــــــــي
في مصير مواد مِتعدِلـــــــه
حاسِــس بإن هويتــــــــــــي
ومصريتــي مش مُعضِلــــه
وبأن رأيــي ورغبتـــــــــي
متركزين في أغلـَـى صـوت
ــــــــــــــــ
اليـــوم دا أول يـــوم بارُوُح
علشان أصوَّت وانتِخِـــــــب
بعد اما زال أسْـــوأ صـُروح
والصوت بتاعي هيتحِسِــــب
الجـِتــَّـه دبِّــت فيهـــــا روح
ومفيش مُبرر أنسِحِــــــــــب
وهقولها من قلبي بوضـُــوح
ما عاد هيبلع قوتي حُـــــوت
*********** | |
|
غاده
ADMIN
المزاج :
الهوايه : 
المهنه : 
الجنس : 
عدد المساهمات : 18410
تاريخ التسجيل : 08/02/2011
العمر : 44
بطاقة الشخصية
:
:
| | موضوع: رد: لا أو نعم الجمعة أبريل 15, 2011 2:05 am | |
| | |
|
احمد رامى
مدير عام
المزاج :
الهوايه :
المهنه :
الجنس :
عدد المساهمات : 16454
تاريخ التسجيل : 07/02/2011
العمر : 44
بطاقة الشخصية
:
:
| | موضوع: رد: لا أو نعم الجمعة أبريل 15, 2011 4:49 am | |
| | |
|
