بـيـقـولــوا إسـمـَك حـَـبـيـب

بيقولوا إسمَك حَبيب
ومع ذلك مَنتَش حَبيب
من يومَك وإنت عَجيب
مش ظابِط عادى غَريب
لَكِن إزاى بَقيت وزير
ونت كُلَك تُهَمَك تِعيب
*************
أنا بسأل وإنت اللى تِجَاوب
على كُل سؤال فى الغالِب
لية كُنت معانا با لسَالِب .. ؟
مِش موجَب علينا بتعايب
لية كُنت ديماً بِتعَاقب .. ؟
كُل إنسان بـِألة تَعذيب
*************
أهو جالَك ياعَدلى اليوم
اللى فية ماتشوف النوم
وإن قَعَدت تُقعُد ما تِقوم
وإن نِمت تِنام مَهموم
شوف كام واحِد مَظلوم
فى رِقَبتَك ليوم مَعلوم
ولِسة عِقاب رَبِنا رَهيب
**************
شوفِت فى قَفَصَك فَرحِة العَسكَر
وكُل المَسجونيين وضُباط العَنبَر
ياتَرى فى نَفسَك عَمال تِستَغفَر
على كُل جَريمه لَما كُنت غَضَنفَر
أو أى شِتِيمه قُلتَها تِتمَنظَر
أو أى ولاء لرَئيسَك الأكبَر
أو أى نِفاق لِشَخص قَريب
****************
إشرَب بَقَى ياحِلو من كاَسَك
إحبِس نارك جِوه أنفَاسَك
دا اللى عَمَلتوا قوم فى ناسَك
وجَزاءك قوم وحياة إحساسَك
شوف ولاءك شوف إخلاصَك
وداك لِفين لِحَبل خَلاصَك
رُصاصة قَدر لابُد تِصيب
***************
شوف القَدَر عليك أهو لَف
خَلاك مُجرِم إزاى بِمَلَف
قاتِل سَفاح مالَكش وصف
نَدل حَرامى مُخالِف للعُرف
وبتـِتـزَف مِحتاج للنَسف
بَدل الشَنق وبدل الحَزف
من السِجِل بِمَقَص رَقيب
***************