هرم الفساد

موضوع: هرم الفساد الإثنين أبريل 04, 2011 3:38 am

هرم الفساد

ـــــــــــــــــ

تلاتين سنه يبنوا الفســـــاد

خلـُّوه كبير زي الهـَـــــرَم

عدد اللصوص في قلبـُه زاد

واتخربت كـُـــل الــــــزمم

الثوره جت من غير ميعاد

قدرت تشيل بس القِـــــمَم

لكن بقِيـِــت جـِسْــم البلاد

فيه الفســـاد جَمْـــر اترَدم

مِتداري في جُوف الرمــاد

مِستني يتحوِّل لنــــــــــار

ـــــــــــــــ

فيه تيارات بدَئِت تبـــــان

ليهُـــم أراء ومزرزريـــــــن

طب كانوا فين دُول من زمان

وف أي مخبـأ متداريـــــــــن

حتى اللي كــان منهُم جبـــان

ظهر النهارده ولـه عريــــن

وبقالـُه مادنـــه ولـُـــــه أدان

وصـــلاه تناسب كل ديـــــن

ماهـُو أصلـُه حاوي وأ ُلـْعُبان

ومــــالوش وطن ولا له ديــار

ـــــــــــــــ

واتنين وكان بينهُم عـــــداء

دا من اليسار ودا م اليميــن

عَقـَدُوا ما بيهم إتفـــــــــــاق

واتحالفوا ع البلد الأميـــــن

ميهمهومشي يعالجـــوا داء

صاب البلد طـــول السنيــن

كان همهُم كسب السِبــــــاق

والكعكه راح يلهفها ميـــــن

والثوره تتحوِّل خِنــــــــاق

في كل عيلــــــــه وكل دار

ـــــــــــــــــ

دي ثوره قام بيهــــا الشباب

بعد امَّــا وحِّـــد كلمِتـــــــــه

قام واخترق سُحُب الضباب

وأزال عن الكون ضَلـْمِتـُــه

وقدِر يسجِّــل في الكِتـــــاب

دستــــور يحدِّد سِكـتــُــــــه

ليه ييجي واحد دقنــُه شـَاب

يخطف من الجيـــل ثورتـُه

وتكون سريقـــــــه واستلاب

في الزحمه وفي وضـَح النهار

ـــــــــــــــــ

لاكن شباب مصر العظيـــم

واللي قِدِر يقهر جـِبـــــــال

عارف سِراطــُه المُستقيــم

شـُبان صُغار لاكن رجال

بيفكروا بأسلـــوب سليـــم

وهيكشِفوا أمُــور لاحتيــال

وان حاول الفِكر العقيــــم

يلعبلهم فوق الحِبــــــــال

هيوقعوه زي البهيــــــــم

ويلجِّمُـــوه زي الحُمـــــار

*******

موضوع: رد: هرم الفساد الجمعة أبريل 15, 2011 2:04 am

موضوع: رد: هرم الفساد الجمعة أبريل 15, 2011 4:57 am

» فضل التمسك بالسنة فى زمن انتشر فيه الفساد