ياولادي مالكم والله عيب
أيه بعجبكم في التخـــــريب
تغيير ماشي ايدي ف ايدكم
ياما قرفــــــــت من التغييب
دوري خلاص الناس نسيوه
وضعي ماعتش يسر حبيب
ياما بلاد كانت بصــــــالي
إني النجمه لوقت قـــريب
ركبوا قطار العلم وسبقوا
خلـــوا الفرق مابينا رهيب
عارفه العيب مش فيكم انتم
بس الظرف الوقتي عصيب
آه ياولادي أنا قلبي عليكم
موت ودمار ومعاه تخريب
اعطوني بس عقولكم لحظه
وبلاش يشمت فينـــا غريب
أنا ياولادي بموت م الحسره
لما بشوف الأمــــــن سليب
عمري بأمني ملاذ الخايف
كان دا شعاري في الترحيب
خايفه اليوم يتبدل وضـــعي
عيب يـــاولادي والله عيب
الإثنين أبريل 04, 2011 3:42 am
