رررررررن الجــــــــرس ) [center]" ♪♪ ♪ ♪♪♪ رن الجرس !! حطوا على ابواب المدارس حرس إذا الحياة مجموعة قصص .. المدرسه مجموعة حصص .. وقـــّــف ياصديقي هنا .. تأمل وصوّر كل ألم قاسي .. وكل طقــّـة تعوّر !؟ ياشقي وياسعيد .. خذ شنطة العمر فوق كتفك .. خذ قلم .. وبرايه .. وهندسة هذي الحياة الغريبة .. تشبه أيام المدرسة ! الحصة الأولى : ولادة طفل .. هي مرحلة فيها تحدي .. وإعجاز آية .. القلم !! يكتب أيام عمرك .. والعمر تبريه برّاية .. والهندسة .. ترسم شقاء أو سعادة .. إحتفلنا .. ايه إحتفلنا بيوم ميلاده جابوا هدايا للولد .. وذيك بنت ولبّسوها قلادة ! فجأة بلا سابق وعد مرت الحصة سريعة .. ولايشعر أحد ! ♪♪ ♪ ♪♪♪ رن الجرس
حطو على الساحة حرس وقت فسحة !!.. أو فسحة من الوقت .. نأخذ نفس .. أحداً بقى صاحي .. وأحداً غلبه النوم ونعس وأكيد في لحظة .. تمر هالفسحة سريعة ولا يشعر أحد الثالثة : ثورة مراهق هنا .. تتشابك الرغبات وتضيع المبادئ .. يومين متسلط عنيف .. ويوم هادي .. ماتعرف مين يصلح لك .. ومن ترافق !؟ وماهي مشكلة كيف تفهم نفسك ! او كيف نفسك تفهمك ؟ المشكلة كيف انا وانت انتوافق .. تمر هالحصة سريعة ولايشعر احد ! الرابعة : شباب وفتوة هنا هنا .. استثمر القوة .. دينك والوطن محتاجك .. تعيد امجاد اجدادك وتعزز ثقافة هالبلد ! انتبه ! لاتمر هالحصة بدون .. (إصرار بنت وبصمة ولد)! الخامسة : رجولة مستوى .. مو أي شخصن يطوله .. وفي هالوقت بالذات .. اذا بغيت تكون فعلا رجل !! .. خلك رجل .. هذا اللي ممكن أقوله .. السادسة : صرت شايب ماعاد باقي كثر ماراح وش فيك ياعمي ؟ أكيدأنك تعبت ؟ من حقك الآن ترتاح ... خلاص يكفي جهاد وصبر وانت ماتقوى على السير .. رجل في الدنيا ورجل في القبر ..! يالله حسن الختام .. وأغفر له قبل يرقد في اللحد ..! عمنا خرّف .. ماعاد يعرف أحد ..! ♪♪ ♪ ♪♪♪ الحصة الأخيرة : لـ وين المصير؟ رن الجرس ..
[ندعوك للتسجيل في المنتدى أو التعريف بنفسك لمعاينة هذه الصورة] حطوا على أبواب المصلى حرس حان وقت الصلاة .. ياعباد اللــه .. صلو صلاة الغائب .. على الضمير الغائب .. المستتر بأول العام الدراسي .. المنتهي بـ آخر العمر الأساسي فضلًا .. إجمعوا الطاولات .. ورتبو وضع الكراسي ! وقتها .. يدور في نفسك ونفسي سؤال !؟ كيف مرت أسابيع الدراسة من العمر .. وكيف مر العمر بلا دراسه .. !! نعم .. وصلنا النهاية بلا سابق وعد .. ومن غير مايشعر أحد ! اليوم أنا وأنت .. ياشقي .. ياسعيد ! هي كذا حياة المدرسة .. هي كذا مدرسة الحياة .. فصل طلاب الرسوب وفصل طلاب الكفاح .. فصل سعيد .. قطعا حقق اسباب النجاح .. وفصل شقي .. أشبع العمر فوضى ..؟ .. وصد وجحد !! والنتيجة للأسف .. لم ينجح أحد !!!؟ ♪♪
الإثنين أكتوبر 17, 2011 2:51 pm
