اهلا بكم احبائى احنا دلوقتى بقينا فى زمن انقلبت فيه الموازين فى اشياء كثيره اذكر منها تقليد بعض الولاد للبس واستايل البنات وكذلك تقليد البنات للبس واستايل الولاد انا مش بتكلم عموما لكن فى نظرى ان دى اشياء شاذه خارقه للطبيعه وفى نفس الوقت بعيده كل البعد عن عادتنا وتقاليدنا الشرقيه النهارده هتكلم عن ظاهره اخرى خالص كانت فى العادى والمتبع دائما ان الولاد هما اللى بيعاكسوا البنات وكانت البنات يا حول الله ضحيه لهذه المعاكسات ضحيه نفسيه طبعا مش لكل البنات فيه بعض البنات بيموتوا فى المعاكسات الواحده منهم بتشعر بفخر انها مرغوبه ومطلوبه وفيه اهتمام بيها لكن النهارده بعض البنات وبقول بعض طبعا حتى لا تهاجمنى احدى العضوات هنا وتقولى مش كل البنات طبعا بعض البنات بيعاكسوا الولاد بس مش بطريقه مباشره طبعا يعنى مش معقول بنت هتقول للواد اشطه يا عسل ايه الجمال ده ايه الحلاوه دى ايه الجنتله دى مع ان نادر جدا لما نلاقى حاله زى دى فعلا تعالوا نشوف بعض الطرق الغير مباشره لمعاكسه البنات للولاد 1_ماشى ولد فى الكلية في أمان الله وفيه بنت جاية بسرعة الصاروخ فى الاتجاه المعاكس ولما تقرب منك تعمل مش واخده بالها وكل اللى في ايدها ينزل على الأرض الولد بكل بساطه وشهامه يحاول يساعدها فى لملمت حاجتها اللى تعمدت اسقاطها على الارض وتبدأ القصه بميرسى وبعدين هى انت معانا فى الكلية؟ ومشفتكش قبل كده لغاية رقم تليفونك كام وبتخرج فين بالليل؟؟؟. الأخت ذكية يعنى.حاله تانيه 2_ركنت عربيتى ونزلت اشترى حاجه وأنا راجع لقيت واحده حاطة مفتاح فى باب العربيه واسألها بتعملى إيه دى عربيتى. تقولك سورى أصلها نفس عربيتى حتى درجة اللون أنا نسيت ركنتها فين ونبدأ نفس القصة وفرصة نضيفة ورقمك كام وساكن فين وكدا حاله كمان 3_ماشى بالعربية فى أمان الله وماشى جنبك بنت بسرعة الصاروخ وفجأة تكسر عليك بالعربية وبعدين تنفجر بالضحك هى وصاحباتها قال ايه بتوريك جمال أسنانها. 4_ بتشترى حاجة من سوبر ماركت وشلة [ندعوك للتسجيل في المنتدى أو التعريف بنفسك لمعاينة هذا الرابط]واقفين وأول ماتيجى ماشى واحدة تيجى بمنتهى الذوق وتقولك خد بالك المحفظة وقعت منك سيادتك تتلفت متلاقيش حاجة غير عاصفة ضحك قال يعنى عملوا فيك مقلب ويبدأ الاعتزار والتعرف وياريت تعرفنا على صحابك وكدا. انا عايز اقول ان ظاهرة اقبال البنات على الشباب اصبحت تزداد بحيث الفتاة هى من تذهب الى الشاب لتعبر له عن مشاعرها. واخيرا رغم ان الامر يجب ان يكون معكوس اى معاكسة الشباب للفتيات الا ان الفتيات لا تقل تحايلا على الشباب وهناك من تبحث عن التسلية تفتكروا ان الظاهره دى فعلا بقت فى ازدياد ولا قلت؟ وشعوركم ايه لما فعلا تشوفوا بنت بتعاكس شاب امام اعينكم موضوع للمناقشه
احمد رامى
مدير عام
المزاج : الهوايه : المهنه : الجنس : عدد المساهمات : 16454 تاريخ التسجيل : 07/02/2011 العمر : 44
بطاقة الشخصية :
:
موضوع: رد: بنات عايزه...............................ولا بلاش الجمعة أكتوبر 21, 2011 9:58 am